शुसासन र पारदर्सिका लागी प्रतिबद्ध रहेको छु : उपाध्यक्ष साउद

सामुदायीक सुचना केन्द्र कालीकाको उद्घाटन

शंकर थापा साउन ५ अछाम

बान्नीगढी जयगढ गाउँपालिका उपाध्यक्ष लोक बहादुर साउदले शुसासन र पारदर्सिका लागी प्रतिबद्ध रहेको बताउनुभएको छ । प्रत्यक नागरीकले स्थानिय तहले गरेका कामहरुको बारेमा जानकारी लिन पाउनु पर्ने नैसर्गिक अधिकार बाट कोही पनि बञ्चीत नहुनु पर्ने कुरामा जोड दिनुभयो ।

बान्नीगढी जयगढ गाउँपालिका वडा नम्वर ५ कालीकामा सामुदायीक सुचना केन्द्रको प्रमुख अतिथिको रुपमा उद्घाटन गर्दै उक्त कुरा बताउनुभएको हो । वडा अध्यक्ष्य लाल कामीको अध्यक्षतामा भएको उद्घाटन कार्यक्रममा सेसी नेपालका सुसासन सल्लाहाकार बिनोद उपाध्याय बिशिष्ट अतिथि रहनुभएको थियो ।

कार्यक्रमको सुरुमा मालिका बिकास संघका जिल्ला संयोजक रतन बहादुर रावलले सुचना केन्द्रको बारेमा जानकारी गराउदै लक्षीत बर्ग र पछाडी परेका जनताहरुले सुचना केन्द्रमा आएर स्थानिय सरकारले गरेका क्रियाकपलापहरुको बारेमा जानकारी लिन सकुन भन्ने उदेश्यको लागी सुचना केन्द्रको स्थापना गरीको बताउनुभयो ।

कार्यक्रममा सहभागीहरुले सुचना केन्द्रको स्थापना गरेर मात्र नभई दिगो, चलाएमान र नमुना बनाउन सक्नु पर्ने कुरामा जोड दिदै स्थानिय सरकारले बिशेष पहल गर्नु पर्ने कुरामा जोड दिएका थिए ।

कार्यक्रममा मालिका बिकास संघ अछामका अध्याक्ष्य सुरत कुवर लगायत जनप्रतिनिधी, राजनैतिक दलका प्रतिनिधि ,सघं संस्थाका प्रतिनिधी, शिक्षक अबिभावकहरुको सहभागीता रहेको थियो ।

वडा सदस्य दान बहादुर रावलको स्वागत मन्तव्य बाट सुरुभएको कार्यक्रमको सञ्चालन गाउँपालिका सुचना अधिकारी बसन्त बहादुर रावलले गर्नुभएको थियो ।